ఎవడవురా నీవు

ఎవడవురా నీవు

ఈదీ అమీనువా

అడాల్ఫ్ హిట్లరువా

ప్రజాస్వామ్యమంటవ్

పరిహసిస్తవేందిరా

ఏమడిగిండ్రురా

ఏమన్నరురా

నీ భూములడిగిండ్రా

నీ సెజ్జులడిగిండ్రా

మా భూములు మాకే అన్నరు

దానికే సంపుతావురా

వాళ్ళ భూములపై నీ జులుం ఏందిరో

ఎవడవురా నీవు

వాళ్ళ ఊరోనివా

వాళ్ళ పైన దొరోనివా

అడగకుండనే ఇయ్యాల్సినోనివి

అడిగినంకగూడ ఏదీ ఇయ్యవ్

వాళ్ళ ప్రాణాలైతే తీస్తవురా

ఎవడిచ్చిండ్రా నీకా హక్కు

ఆయువంటే అంత అల్కనైందిరా నీకు

ఇగనైనా తోకముడువు బిడ్డా

లేకుంటే.....

గిరిజనులే అమీనులైతరు

జాలర్లే హిట్లర్లయితరు కొడకా

రగులుతున్న రాజధాని

ధౌర్భాగ్యపు సర్కారు

అసెంబ్లీలో గవర్నర్ ను అడ్డుకోవచ్చు

విద్యార్థులు మాత్రం అసెంబ్లీకే రారాదు

జేపీ సాబ్ కు అక్కడ రాజ్యాంగ ఖననం

ఇక్కడ హక్కల హననం కానరాదు

కనిపిస్తలేదా మీ పక్షపాతం

దెబ్బకు రాలేదా పాలనకు పక్షవాతం

ఎందుకురా పానాలు తీస్తరు

నాలుగు కోట్ల దేవతలు శపిస్తున్నరు